امتحان telc ف المغرب: كلشي اللي خاصك تعرف
الثمن، فين تدوزو، كيفاش تسجل، شنو كاين ف كل جزء، وشحال خاصك باش تنجح — بالدارجة وبلا تخربيق. ومن بعد، خطة 30 يوم باش توجد.
؟شنو هو telc؟
telc (The European Language Certificates) شهادة ديال اللغة الألمانية معترف بيها ف ألمانيا. المغاربة كيدوزوها بزاف ملي كيوجدو ل Ausbildung، الدراسة، الخدمة، ولا لمّ الشمل. المستوى اللي كيتطلب غالبا هو B1 ولا B2.
1شحال كيسوا telc ف المغرب؟
الامتحان كيتخلص ب الأورو ف المراكز ديال telc. التحضير ماشي إجباري: تقدر توجد بوحدك، وتدخل نيشان للامتحان.
2فين تدوز telc ف المغرب؟
telc كيدوز غير ف مراكز معتمدة (Prüfungszentren) من telc. ف المغرب كاينين 6 ديال المراكز، ف 5 مدن:
كل مركز عندو التواريخ والثمن ديالو. تاصل بالمركز اللي قريب ليك باش تعرف الدورة الجاية.
3كيفاش تسجل؟
- اختار المستوى (B1 ولا B2) على حساب شنو كيطلب منك.
- اختار واحد من الـ 6 مراكز (كازا، الرباط، مكناس، طنجة ولا أكادير)، وشوف التواريخ ديال الدورات الجاية.
- سجل بكري: البلايص كتعمر دغيا، خصوصا قبل الصيف وقبل الدخول.
- وجد الوثائق: غالبا بطاقة التعريف ولا جواز السفر، والخلاص. المركز كيقول ليك الباقي.
- نهار الامتحان: جيب نفس الوثيقة اللي سجلتي بيها، ووصل بكري.
4شنو كاين ف امتحان telc B1؟
الامتحان فيه جوج أجزاء: المكتوب (225 نقطة) والشفوي (75 نقطة).
| الجزء | شنو كتدير | النقط | تمرن |
|---|---|---|---|
| Lesen Teil 1 | كتربط 5 نصوص مع العناوين ديالهم | 25 | Teil 1 ← |
| Lesen Teil 2 | نص طويل و5 أسئلة ب a/b/c | 25 | Teil 2 ← |
| Lesen Teil 3 | 10 وضعيات و12 إعلان، كتلقى الإعلان المناسب | 25 | Teil 3 ← |
| Sprachbausteine 1 | رسالة فيها 10 فراغات ب a/b/c (القواعد) | 15 | Sprach 1 ← |
| Sprachbausteine 2 | نص فيه 10 فراغات و15 كلمة تختار منهم | 15 | Sprach 2 ← |
| Hören Teil 1 | 5 أخبار قصيرة، صحيح ولا غالط | 25 | Teil 1 ← |
| Hören Teil 2 | نص طويل و10 جمل، صحيح ولا غالط | 25 | Teil 2 ← |
| Hören Teil 3 | 5 حوارات قصيرة، صحيح ولا غالط | 25 | Teil 3 ← |
| Schreiben | E-Mail ولا رسالة فيها 4 نقط خاصك تجاوب عليهم | 45 | Schreiben ← |
| المكتوب | Lesen + Sprachbausteine: 90 دقيقةHören: حوالي 30 دقيقةSchreiben: 30 دقيقة | 225 | |
| Sprechen | تعارف، هضرة على موضوع، وتنظمو حاجة مع بعض | 75 | Sprechen ← |
telc B2 مبني بنفس الطريقة (نفس الأجزاء ونفس النقط)، ولكن النصوص أصعب، والـ Hören أقصر (حوالي 20 دقيقة). تمرن عليه ف B2 Lesen، B2 Hören، B2 Schreiben وB2 Sprechen.
5شحال خاصك باش تنجح؟
خاصك 60% ف كل جزء بوحدو. ماكتقدرش تعوض الشفوي بالمكتوب ولا العكس:
سقطتي ف جزء واحد؟ ماشي ضروري تعاود كلشي. telc كيخليك تعاود غير الجزء اللي سقطتي فيه، ف مدة محددة. سول المركز على الشروط.
6خطة 30 يوم قبل الامتحان
- كل نهار Teil 1، 2 و 3 من Lesen
- قلب على الكلمات المفتاحية فالنص والعنوان
- 20 كلمة جديدة كل نهار ف Wortschatz
- تمرين Hören كل نهار، وعاود الأوديو اللي غلطتي فيه
- Sprach 1 و 2: القواعد اللي كتعاود ديما (Präpositionen، Konnektoren)
- دوز امتحان كامل ف الوقت، بحال النهار الحقيقي
- شوف التقدم ديالك وركز على الجزء الضعيف
- النهار اللي قبل الامتحان: راحة، ماشي حفظ
؟أسئلة كيسولوها بزاف
شحال كيسوا امتحان telc B1 ف المغرب؟
الامتحان كامل 220 €، والتحضير ف المركز 80 € (ماشي إجباري). سول المركز ديالك على الثمن الحالي قبل ما تخلص.
شحال خاصني باش ننجح ف telc B1؟
خاصك 60% ف الجزء المكتوب (135 من 225 نقطة) و60% ف الشفوي (45 من 75 نقطة). كل جزء بوحدو.
إلا سقطت ف جزء واحد، واش خاصني نعاود الامتحان كامل؟
لا. telc كيسمح تعاود غير الجزء اللي سقطتي فيه (المكتوب ولا الشفوي)، ولكن ف مدة محددة. سول المركز على الشروط والثمن ديال إعادة جزء.
شحال كتاخد النتيجة باش تخرج؟
عادة كتوصل من بعد شي أسابيع (غالبا بين 4 و 6 أسابيع)، والشهادة كتجي للمركز. المدة كتختلف من مركز لمركز.
فين نقدر ندوز telc ف المغرب؟
كاينين 6 مراكز معتمدة: Académie Allemande و Prisma ف الدار البيضاء، IBC ف الرباط، Germany School ف مكناس، Alingua ف طنجة، و Institut Munich ف أكادير.
شنو الفرق بين telc و Goethe؟
بجوج شواهد معترف بيهم ف ألمانيا ومبنيين على نفس المستويات (B1، B2). الشكل ديال الامتحان مختلف. telc فيه Sprachbausteine، وكتقدر تعاود غير الجزء اللي سقطتي فيه.
بدا التحضير دابا — بلاش
تمارين telc B1 و B2 بالحلول والشرح بالدارجة، Teil ب Teil.
آخر تحديث: أكتوبر 2026 · الأثمنة والتواريخ كتختلف من مركز لمركز — تأكد ديما مع المركز ديالك.